Tradita në krahinat Shqiptare

Kostumet, artizani, zejet, dhe aksesorët e folkut shqiptar shpalosin vlerat dhe shprehin identitetin e  kulturës dhe historisë së vendit tonë. Folku është elementi kyç i trashëgimisë kulturore për një popull, dhe si pjesë e tij, kostumet popullore paraqesin një interes të veçantë. Dizenjo, ngjyrat, teknikat e prodhimit, materialet, funksionaliteti janë krejt të individualizuara dhe unike në llojin e tyre të reflektuara në fondet etnografike për secilën krahinë. Kostumet janë rezultat i një proçesi të gjatë ndryshimesh e përshtatjesh të ndikuara nga faktorë  historikë, ekonomikë, social-kulturor dhe zhvillimesh teknologjike. Mjeshtëria e përpunimit dhe prodhimit të pëlhurave prej mëndafshi, leshi, liri kombinuar me teknikat e endjes, ndërthurjes apo tjerrjes ka krijuar veshje unike të cilat i kanë rezistuar kohës madje shekujve dhe janë përcjellë brez pas brezi. Karakteri shqiptar, trojet, por edhe elementët unikë në folkun tonë ndër vite kanë tërhequr interesin e studiuesve të huaj, ndër të cilat më e spikatura mbetet Mary Edith Durham (1863-1944) – Etnografe,  publiciste angleze, studiuese e popujve të Ballkanit dhe mike e shqiptarëve,  e famshme për shkrimet e saj antropologjike rreth jetës në trojet shqiptare.

"Ekziston një kënaqësi e veçantë në zbulimin e të panjohurës - një kënaqësi që asnjë udhëtim i dytë në të njëjtën shteg nuk e siguron kurrë." - Edith Durham